Afturhaldsmaðurinn Jón Bjarnason

Kæri Jón !

Það getur meira en satt verið að það sé ekki tímabært að vera umsækjandi um EB-aðild einmitt núna.  En þú veist vel, rétt eins og ég, að það er enginn vafi á því að Ísland verður aðili að Evrópusambandinu, fyrr eða síðar.  Ástæðan er einfaldlega sú, að við sem búum hér, ætlum Íslandi að verða nútímalegt velferðarríki, í nánu samstarfi við umheiminn og okkar nánustu viðskiptaþjóðir og í góðum tengslum við þann hluta heimsins sem er okkur líkastur í menningu og hugsunarháttum.

Við hverfum ekki til baka 40 ár, eins og mér finnst vera draumur margra þinna flokksbræðra.  Einangruð frá umheiminum, í samfélagi þar sem frumvinnslugreinarnar hirðingjabúskapur eru í forgangi, rétt eins og í þróunarlöndunum svokölluðu. 

Evrópusambandið og aðild að því mun gerbreyta valdahlutföllum á Íslandi.  Í stað þeirrar "nýlendustefnu" sem hefur viðgengist hér innanlands munu einstök svæði landsins geta leitað samstarfs og fjármuna nánast hvert sem er innan Evrópu.  Ekki bara til Reykjavíkur.  Það mun draga úr völdum ríkisvaldsins hér innanlands, og það er vel.  

ESB-umsóknin þungbær

Athugasemdir

[Óðinn Þórisson, 29.10.2009 kl. 16:47]

Allar skoðanakannanir sýna að við eum EKKI á leið í ESB - þetta er tíma&peningaeyðsla - EKKI skil ég hversvegna SF studdi ekki tillögu Sjálfstæðisflokksins um að leyfa þjóðinni að kjósa um það hvort farið yrði í þennan leiðangur ?